5/15/2018

Vojaĝo al Kartvelio



En la jaro 2016 somere, kadre de Korea LLG-institucio,
nomata <Instruista Kolegio por vivo>,
okazis tutlanda staĝo por alternativaj lernejaj instruistoj.
Tiam, mi prelegis pri Esperanto & alternativa edukado.
Kelkaj gravuloj de la institucio tre interesiĝis pri tiu temo.
Poste, ili proponis al mi instali kursaron enen de la organo.



Distanca kurso per skajpo


2 jarojn poste,
nuna rezulto estas havi ĉir. 20 kursanojn en 4nivelaj kursoj.
Kun 7 el ili, mi baldaŭ vojaĝos al Kartvelio kiel E°vojaĝo,
kiun Tea kaj Regis el Francio organizas.


Vojaĝplano en Kartvelio (Georgio)


Por mi, la vojaĝo signifas oficiale,
unu paŝon aldoni kiel ĝemelan agadon kun Bourg en Bresse klubo.
Ĉar Michel kaj Miori rolas kiel fremdaj gvidantoj por konversacia klaso.
Mi intencas ĉiam ligi LLG-on (Liberaj Lernejoj por Geknaboj) kun la loka klubo.



Alfabeto de Kartvelio
 Ŝota Rustaveli, amata verkisto de la popolo


Ni, korea grupo antaŭpreparis la vojaĝon por efike malkovri Kartvelion :

        - Rigardi filmojn <Tangerinses, 2013> <5 Days of War, 2011>
        - Legi la epopeon verkitan de Ŝota Rustaveli <Kavaliro surmetinte tigran ledon>
        - Eklerni de Tea la alfabeton de Kartvelio

Mi esperas, ke dum tiu vojaĝo per Esperanto, oni sentos sin en amikecplena mondo.
Ni klare rimarku, ke Esperanto estas bela ilo por konstrui pacan mondon.







         

5/07/2018

Pentra ludo


Nuntempe, mia menso okupiĝas pri nova ludo : pentrado.
Fakte, la interesa ludo okupas ne nur la menson, sed ankaŭ ĉefe, miajn manojn.
Dum la ludo, tempo fulme pasas, mi eĉ volus, ke ĉiu horloĝo paneu.







Kelkfoje, mi skizas konatajn personojn per kolora kreto.
Vere, miaj manoj ŝatus libere flugi sur la blanka papero.
Per krajono kaj peniko, mi ŝatus esprimi ĉion, kion mi volas.
SED! Nun mi estas tute komencanto pri pentrado.
Do, poste, kiam mi akiros plian teknikon,
mi povus plivaste naĝi en la maro de la pentrarto.




Hieraŭ, en la ateliero, mi desegnis sur koreaj ŝuoj elplastaj.
En antaŭa epoko, tiajn modestajn ŝuojn surmetis kamparaj virinoj.
Tamen, nuntempe, laŭmode, junulinoj surmetas ilin desegnitajn.
Do, mi aŭdace pentris sur la ŝuoj por donaci al mia fratino,
kiu tre ŝatas plastajn ŝuojn.





Kara mia fratino, ĉu la ŝuoj plaĉas al vi?



4/27/2018

Unu printempo de ambaŭ Koreioj



La 27a de aprilo, 09:30, estis emociplena tago por ambaŭ Koreioj.
11 jaroj pasis. Finfine la du prezidentoj renkontiĝis.
La invitinto, prezidento de suda Koreio varme akceptis la nordan.
Inter ili starantaj, estas muro elcementa, nur 10cm-ojn alta,
sed tiom fortika kaj malfacile rompebla en la koroj de koreoj.






La suda prezidento invitis lin transsalti ĝin
kaj ŝerce demandas :
"Kiam eblos transiri la muron senprobleme?"
La norda prezidento tuj respondas : "Nun!"
Ili tiel jen suden kaj norden alterne kaj manenmane
transsaltis la muron.








Ili kune marŝis sur la vojo, kie viciĝante staris trandicia soldataro.
Tio signifas, ke oni akceptis la nordan prezidenton kiel tiun de ordinara lando.
La pejzaĝo kun tradicia solena muziko tre plaĉis al mi persone.









Ili kune plantis pinarbon deklarante : "Pacon kaj prosperon ni plantas."
Por ni koreoj, pinarbo signifas "ĉiam sama" "solida".
Ni ĉiuj bondeziras solidan pacon por ambaŭ Koreioj.







Unu tago rapide pasis.
Mallonga tempo por du Koreoj, sed longa paŝo okazis.
Subite la norda prezidento rigardis du horloĝojn sur la muro
de la Paca Domo ĉe landlimo DMZ (Demilitarized Zono).
Ene de sama teritorio 'komike' ambaŭ Koreioj havas 30minutan hordiferencon.
Li firme diris, ke norda Koreio returnigos la horon al tiu de suda Koreio.
Tiel ni paŝon post paŝo unuiĝos.

En tiu tago, ĉiuj koreoj larme rigardis televidon.
Refoje spektinte, ni ankoraŭ volas rigardi la eventon.
Mi certas, ke KIM Ĝeong Eun, nordkorea prezidento aŭdis,
ke ni multaj esperantistoj ĵetis pacan krion dum la Seula UK.
Kaj li finfine respondis.

Vivu, pacaj Koreioj !!


** Bv. spekti la lastan pejzaĝon de la tago
https://www.youtube.com/watch?v=Gh12t1n6DZM&t=16s







4/12/2018

Senlima florvojo





Estas surprize!
En mia kampara vilaĝo
Ekmontriĝis senlima florvojo!
Kiam la arboj laboris?
Ĉu ĉiuj samritme ekfloris?
La floroj brilas kiel la suno.
Eĉ la ombroj sub la floraro scintilas.
Ho, senlimas la florvojo!







4/09/2018

Ekas printempa kultivado


Printempas plene.
Kiam oni vivas en granda urbo ĉirkaŭita de ĉielpintaj domegoj,
en nuna sezono, oni serĉus vizitindajn lokojn
por ĝui ĉerizfloran vilaĝon, azaleplenan straton ktp.

Tamen, tie ĉi, profunda kamparo ĉirkaŭ montaro,
kie matene kaj vespere, ankoraŭ la aero tro freŝas,
agrikultivistoj aktive komencas printempan laboron.






Ankaŭ mia edzo, Dalmini ekplukis sian trian kampeton,
kiun li prunteluis ĉijare por kultivi medicinajn radikojn.
Poste li faris sulkojn kaj kovris ilin per nigra plastaĵo.
Hieraŭ tri maljunaj vilaĝaninoj, tre lertaj en kampara laboro,
estis dungitaj por semadi tutan tagon en milojn da truoj.
Mi preparis kelkajn manĝetojn por ilia paŭztempo,
verdaj vinberoj, tomatoj, cup-nudeloj, kukoj, varma tizano.





Por kultivistoj la eka laboro de la jaro enhavas plenan esperon.
Laborante, oni preĝas al ĉielo, suno, tero, pluvo kaj al tuta naturo,
por ke ankoraŭ ĉijare ili benu onin por riĉa rikolto.
Tiel homoj, kiuj vivas ĉe naturo, respektemas la mondon.

9 jaroj pasis de nia granda translokiĝo el Seulo ĉi tien,
kaj verŝajne, nia familio estus eterna komencanto pri kultivado.
Tamen, trankvila vivo ĉe naturo plibonigas nin.
Serena menso, plena libereco per surtera laboro
estas jam riĉaj rikoltaĵoj de kampara vivo.





3/24/2018

Vekiĝu, printempo


La pejzaĝo je dudek paŝoj de nia kampara dometo


Finfine, longa vintro foriras
kaj printempo tremas por vekiĝi.
Printempo ja estas kvazaŭ ĉe ni.
Tamen, oni devas atenti la finbarakton de la vintro.
Antaŭ kelkaj tagoj, eĉ fine de marto,
ĉi tie tutan tagon neĝis, neĝadis.



Dum du semajnoj,
Dalmini laboris surstrate por enmeti ŝelojn de fazeoloj en 150 sakojn.
Li deziris uzi ilin por sia kampo de mirteloj.
La ŝeloj devenis de najbara kampo kaj transportiĝos al nia kampo.
Niaj mirtelarbustoj nun estas kovritaj per la ŝeloj.
Tiel la arbustoj efike gardos humidecon.


La ateliero, kie mi praktikas korean pentrarton



Miaflanke, mi kuraĝe komencis praktiki pentrarton.
Depost adoleskanta periodo, mi forlasis tiun agadon.
Jes, tio estas mia delonga sonĝo.
Mi ŝatus senti ian ĝuon desegnante, pentrante.
Preni penikon kaj malplenan paperon incitas min.
Koloraj farboj stimuligas mian koron.
Do, mi decidis eniri en ĉi novan mondon !

Vekiĝu, printempo!
Vekiĝu, ĉies animo!
Ni estas pretaj bonvenigi vin.





2/19/2018

La Eta Princo


Mesaĝo de Bernard sur la du libroj, france kaj Esperante


Sur mia bretaro, staras kvar <La Eta Princo>,
Unu en la korea, du en Esperanto kaj unu en la franca.
En mia mezlerneja vivo, mia instruisto diris al mi,
ke li legis ĝin pli ol 20 fojojn kaj ankoraŭ deziris pli legi.
Lia diro donis al mi scivolemon pri la libro,
kaj ekde tiam <La Eta Princo> restas longtempe ĉe mia mano.



Mia klaso en Internacia Renkontiĝo en Pluezek 2013, Bernard kun nigraj okulvitroj



En la jaro 2013,
mi partoprenis en <Internacia Renkontiĝo> en Pluezek, norde de Francio.
Kiel tiu jara invitito, mi gvidis kurson por progresantoj dumsemajne.
Lastan tagon, kursano Bernard donacis al mi du librojn,
<La Eta Princo> kaj <Le Petit Prince>.


"Voici mon secret. Il est tres simple :
on ne voit bien qu'avec le coeur.
L'essentiel est invisible pour les yeux.
C'est le temps que tu as perdu pour ta rose
qui fait ta rose si importante."

가장 중요한 것은 눈에 보이지 않아.
마음으로 봐야만 해.
너에게 장미꽃이 그렇게 까지 소중하게 된 건
네가 그녀를 위해 공들인 시간 때문이란다.



Plej ŝatata parto por mi


Nuntempe plej ŝatata tempo por mi estas
ĉiutage esplori <Le Petit Prince> en la franca.
Tio rivelas al mi multajn sekretojn de la vivo.
Mi volus eĉ mordete manĝi la tekston, por ke ĝi neniam finiĝu.
Ja nun mi komprenas mian eksan instruiston.

Kara Bernard,
kvar jarojn poste de nia renkontiĝo,
finfine, nun mi kapablas kompreni la belan literaturon en la origina lingvo.
Dankon pro via delikata donaco!